سوره کہف میں چار عبرت والے واقعات

 سوره کہف چار قصوں پر مشتمل ہے جو بڑے ہی قابل عبرت و نصیحت ہیں:

1- غار والوں کا قصہ

2 – دو باغ والے کا قصہ

3- موسی عليه السلام اور خضر عليه السلام  کا قصہ

4- ذوالقرنین کا قصہ

 

نزول قرآن کا مقصد

الله تعالی نے قرآن مجید کو نازل کیا تاکہ اس کی تلاوت کی جائے، اس کی آیات میں غور و فکر کیا جائے اور اس سےعبرت و نصیحت حاصل کی جائے جیسا کہ ارشاد باری تعالٰی ہے :

( كِتَابٌ أَنزَلْنَاهُ إِلَيْكَ مُبَارَكٌ لِّيَدَّبَّرُوا آيَاتِهِ وَلِيَتَذَكَّرَ أُولُو الألباب )

یہ بابرکت کتاب ہے جسے ہم نے آپ کی طرف اس لئے نازل فرمایا ہے کہ لوگ اس کی آیتوں پر غور و فکر کریں اور عقلمنداس سے نصیحت حاصل کریں ۔ (ص – الآية 29)

سورة الکہف کی فضیلت:

سورة الکہف قرآن کریم کی ایک عظیم سورت ہے جسے اللہ کے رسول صلی اللہ علیہ وسلم نے جمعہ كے روز پڑھنے کیترغیب دلائی ہے چنانچہ ابن عمر رضی اللہ عنہما سے روایت ہے کہ آپ صلی اللہ علیہ وسلم نے فرمایا :

عن ابن عمر رضي الله عنهما قال : قال رسول الله صلى الله عليه وسلم : ” من قرأ سورة الكهف في يوم الجمعة سطع له نورمن تحت قدمه إلى عنان السماء يضيء له يوم القيامة ، وغفر له ما بين الجمعتين ".

ترجمہ : – ابن عمر رضی اللہ تعالی بیان کرتے ہیں کہ رسول اکرم صلی اللہ علیہ وسلم نے ارشاد فرمایا :

جس نے جمعہ کے دن سورۃ الکھف پڑھی اس کے قدموں کے نیچے سے لیکر آسمان تک نور پیدا ہوتا ہے جو قیامت کے دناس کے لیے روشن ہوگا اور اس دونوں جمعوں کے درمیان والے گناہ معاف کردیۓ جاتے ہیں ۔

( منذری کا کہنا ہے کہ : ابوبکر بن مردویہ نے اسے تفسیر میں روایت کیا ہے جس کی سند میں کوئ حرج نہیں ، لاباسبہ کہا ہے ۔ الترغیب والترھیب، 1 / 298 ) ۔

پیارے نبی صلی اللہ علیہ وسلم نے ہمیں بتایا کہ یہ سورت فتنوں سے حفاظت کرنے والی ہے چنانچہ صحیح مسلم کیروایت ہے :

ِّ عَنْ أَبِي الدَّرْدَاءِ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ : مَنْ حَفِظَ عَشْرَ آيَاتٍ مِنْ أَوَّلِ سُورَةِ الْكَهْف عُصِمَ مِنْ الدَّجَّالِ.

ابو درداء رضی اللہ تعالیٰ عنہ سے روایت کی کہ نبی اکرم صلی اللہ علیہ وسلم نے فرمایا : جس نے سورہ کہف کیپہلی دس آیات حفظ کرلیں، اسے دجال کے فتنے سے محفوظ کرلیا گیا۔ (صحیح مسلم حدیث نمبر 809)

صحیح مسلم ميں دجال کے متعلق ایک دوسری لمبی روایت میں ہے :

…. فَمَنْ أَدْرَكَهُ مِنْكُمْ فَلْيَقْرَأْ عَلَيْهِ فَوَاتِحَ سُورَةِ الْكَهْفِ …

تم میں سے جو اسے یعنی دجال کو پائے تو اس کے سامنے سورہ کہف کی ابتدائی آیات پڑھے. ( صحیح مسلم حدیثنمبر 2937 )

سوره کہف چار قصوں پر مشتمل ہے جو بڑے ہی قابل عبرت و نصیحت ہیں:

1- غار والوں کا قصہ

2 – دو باغ والے کا قصہ

3- موسی اور خضر علیہما السلام کا قصہ

4- ذوالقرنین کا قصہ

ان میں سے ہر ایک قصے میں ان فتنوں سے حفاظت اور بچاؤ کا طریقہ موجود ہے جن فتنوں میں بہت سارے لوگ مبتلانظر آتے ہیں.

1- اس سورت میں سب سے پہلے دین و ایمان میں پیش آنے والے فتنے کا ذکر ہے وه اس طرح کہ ایک ظالم و جابر بادشاہتھا جو اپنی قوم کو غیر اللہ کی عبادت کی دعوت دیتا تھا چنانچہ کچھ نوجوان جو اللہ پر ایمان رکھنے والے اورعقیدہ توحید پر قائم تھے اس بادشاہ کی دعوت کے خلاف کھڑے ہوئے اور انهوں نے توحید و حق کی آواز بلند کی، اسسلسلے ميں انهوں نے اللہ سے دعا کی اور اپنے دین و ایمان کی حفاظت کے لئے اللہ کی پناہ طلب کی جیسا کہ فرمانباری تعالی ہے :

( إِذْ أَوَى الْفِتْيَةُ إِلَى الْكَهْفِ فَقَالُوا رَبَّنَا آتِنَا مِن لَّدُنكَ رَحْمَةً وَهَيِّئْ لَنَا مِنْ أَمْرِنَا رَشَدًا)

جب وہ چند نوجوان غار میں پناہ گزیں ہوئے اور انہوں نے کہا کہ اے پروردگار ! ہم کو اپنی رحمت خاص سے نواز اورہمارا معاملہ درست کردے. ( الكهف – الآية 10)

چنانچہ اللہ تعالی نے ان کو پناہ دی اور وه غار میں 309 سال تک پڑے رہے، ایک طویل عرصے کے بعد جب اللہ نے انہیںنیند سے بیدار کیا تو ماحول بدل چکا تھا ، لوگ بدل چکے تھے، جس بستی کے لوگ شرک و بت پرستی میں ڈوبے ہوئےتھے وه اب عقیدہ توحید کے پرستار بن گئے تھے .

اس واقعے سے یہ نصیحت ملتی ہے کہ انسان اپنے دین و ایمان کے بارے میں فتنے اور آزمائش میں ڈالا جا سکتا ہے مگراس سے بچنے کا طریقہ یہی ہے کہ انسان ہر حال میں اللہ کی رسی کو مضبوطی سے تھامے رہے کیونکہ اللہ تعالی کاوعدہ ہے :

( وَمَن يَعْتَصِم بِاللَّهِ فَقَدْ هُدِيَ إِلَىٰ صِرَاطٍ مُّسْتَقِيمٍ )

جو شخص اللہ تعالیٰ ( کے دین ) کو مضبوط تھام لے تو بلاشُبہ اسے راہ راست دکھا دی گئی. ( آل عمران – الآية 101)

اس سلسلے ميں ایک اور طریقہ اور وسیلہ جو بہت ہی معاون اور مددگار ثابت ہوتا ہے وه یہ ہے کہ انسان نیک لوگوںکی صحبت اختیار کرے تاکہ غفلت و نسیان کی صورت میں وه اس کی تنبیہ کریں، یاد دہانی کی صورت میں وه اسکی مدد کریں اور راستہ بهٹکنے کی صورت میں اسے راہ راست پر لائیں ـ

2- سوره کہف کا دوسرا قصہ مال اور کبر کے فتنے کے بارے میں ہے، دو باغ والے کا قصہ جسے اللہ نے بہت ساری نعمتوں سےنوازا تھا، اس کے پاس رزق کی فراوانی تھی، ان سارے انعامات و اکرامات پر اللہ کا شکر ادا کرنے کے بجائے اس نےناشکری, ناقدری اور کبر کا راستہ اختیار کرتے ہوئے یوم آخرت کا انکار کر دیا اور اپنے مال و دولت پر ناز و غرور کرتے ہوئےکہا :

( وَدَخَلَ جَنَّتَهُ وَهُوَ ظَالِمٌ لِّنَفْسِهِ قَالَ مَا أَظُنُّ أَن تَبِيدَ هَٰذِهِ أَبَدًا وَمَا أَظُنُّ السَّاعَةَ قَائِمَةً وَلَئِن رُّدِدتُّ إِلَىٰ رَبِّي لَأَجِدَنَّ خَيْرًا مِّنْهَامُنقَلَبًا )

پھر وہ اپنی جنت (باغ) میں داخل ہوا اور اپنے نفس کے حق میں ظالم بن کر کہنے لگا میں نہیں سمجھتا کہ یہ دولتکبھی فنا ہو جائے گی ، اور مجھے توقع نہیں کہ قیامت کی گھڑی کبھی آئے گی ۔ تاہم اگر کبھی مجھے اپنے رب کےحضور پلٹایا بھی گیا تو ضرور اس سے بھی زیادہ شاندار جگہ پاؤں گا ۔(الكهف – الآية35- 36)

اس ناسمجھ نے یہ گمان کر رکھا تھا کہ اللہ کے نزدیک اس کا بڑا مقام و مرتبہ ہے اسی لئے اللہ تعالی نے اسے رزق کیکشادگی اور مال و دولت کی فراوانی سے نوازا ہے حالانكہ اس کا یہ وہم و گمان غلط تھا بلکہ یہ سب اسے فتنے اورآزمائش کے لئے ملا ہوا تھا، اللہ تعالى فرماتا ہے :

(وَنَبْلُوكُم بِالشَّرِّ وَالْخَيْرِ فِتْنَةً ۖ وَإِلَيْنَا تُرْجَعُونَ )

اور ہم اچھے اور برے حالات میں ڈال کر تم سب کی آزمائش کر رہے ہیں. آخرکار تمہیں ہماری ہی طرف پلٹنا ہے . (الأنبياء – الآية 35)

اس باغ والے کو اللہ کا ایک نیک بنده ملا جو اسے نصیحت کرتا اور اللہ سے ڈراتا تھا اسے بھلائی کا حکم دیتا اوربرائی سے روکتا تھا، اس بندے نے اسے اللہ کی نعمتوں کو یاد دلا کر اللہ کا شکر ادا کرنے کی نصیحت کی اور کہا :

( وَلَوْلَا إِذْ دَخَلْتَ جَنَّتَكَ قُلْتَ مَا شَاءَ اللَّهُ لَا قُوَّةَ إِلَّا بِاللَّهِ ۚ )

اور جب تو اپنی جنت میں داخل ہو رہا تھا تو اس وقت تیری زبان سے یہ کیوں نہ نکلا کہ ماشاء اللہ ، لاقوة الا باللٰہ؟(الكهف – الآية 39)

مگر وه شخص دولت کے نشے اور طاقت و قوت کے غرور میں اندھا ہو گیا تھا اس نے نصیحت کرنے والے بندے کو یہجواب دیا :

(أَنَا أَكْثَرُ مِنكَ مَالًا وَأَعَزُّ نَفَرًا )

میں تجھ سے زیادہ مالدار ہوں اور تجھ سے زیادہ طاقتور نفری رکھتا ہوں۔ (الكهف – الآية 34 )

چنانچہ مال و دولت پر اس فخر و مباہات کی پاداش اور لوگوں کے سامنے غرور و تکبر کرنے کے نتیجے میں اللہ تعالینے اس کے باغات کو تباہ و برباد کر دیا اور اسے لوگوں کے لیے سامان عبرت بنا دیاـ

3- تیسرے قصے میں علم کے فتنے کا ذکر ہے یعنی انسان کو علم کی دولت ملے اور وه اس علم کے فتنے ميں مبتلا ہوجائے، اللہ تعالى نے اپنے نبی موسی عليہ السلام کو اس فتنے سے محفوظ رکھنا چاہا جب بنی اسرائیل نے ان سےپوچھا : سب سے بڑا عالم کون ہے؟ تو موسی عليہ السلام نے جواب دیا : میں ہوں، ان کا یہ جواب بر حق تھا اس اعتبارسے کہ وه الو العزم رسولوں میں سے تھے، اللہ سے انہیں کلام کا شرف حاصل تھا، اللہ تعالى نے انہیں نور و ہدایت کیکتاب تورات عطا فرمائی تھی، اللہ کی طرف سے نو واضح نشانیاں (معجزات) ملی تھیں نیز وه اپنے وقت کے سب سےبڑے ظالم و جابر بادشاہ فرعون سے برسر پیکار تھے جس نے دعوی کیا تھا : أنا ربكم الأعلى،

لیکن ان سب کے باوجود اللہ نے ان کی سرزنش کی کیونکہ سائل کے جواب میں انهوں نے یہ نہیں کہا : اللہ ہی بہترجانتا ہے، چنانچہ اللہ تعالی نے انهیں بتایا ہمارا ایک بنده خضر ہے جو دو دریاؤں کے سنگم پر رہتا ہے اس کے پاسجو علم ہے وه تمہارے پاس نہیں.

چونکہ موسی عليہ السلام کو اللہ نے تواضع و خاکساری، تقوی و پرہیزگاری اور حسن اخلاق کی دولت سے مالامالکیا تھا اس لیے انهوں نے یہ نہیں کہا کہ مجھے اس بندے خضر کی ضرورت نہيں بلکہ دریافت کیا : اے میرے رب! اسبندے سے ملاقات کا راستہ کیا ہے؟ اللہ نے انھیں حکم دیا کہ ایک ٹوکری میں مچھلی لے کر سفر کرو جہاں مچھلی تمسے غائب ہو جائے تو سمجھ لو کہ اس بندے سے ملنے کی جگہ وہی ہے.

چنانچہ موسی عليہ السلام اس بندے سے ملاقات کے لئے نکل پڑے اور اپنے نوجوان سے کہتے رہے :

( وَإِذْ قَالَ مُوسَىٰ لِفَتَاهُ لَا أَبْرَحُ حَتَّىٰ أَبْلُغَ مَجْمَعَ الْبَحْرَيْنِ أَوْ أَمْضِيَ حُقُبًا )

اور جبکہ موسیٰ نے اپنے نوجوان سے کہا کہ میں تو چلتا ہی رہوں گا یہاں تک کہ دو دریاؤں کے سنگم پر پہنچوں ،خواہ مجھے سالہا سال چلنا پڑے ۔ ( الكهف – الآية 60 )

مفسرین اس آیت کی تفسیر میں کہتے ہیں : موسی عليہ السلام اس عالم سے ملاقات کے لئے 80 سال تک چلتے رہے .

لہذا علم کے فتنے سے محفوظ رہنے کا طریقہ یہ ہے کہ انسان اللہ کے لئے تواضع و خاکساری اختیار کرے اور ہمیشہ اللہکے اس فرمان کو یاد رکھے :

( وَ مَاۤ اُوۡتِیۡتُمۡ مِّنَ الۡعِلۡمِ اِلَّا قَلِیۡلًا )

اور تمہیں بہت ہی کم علم دیا گیا ہے ۔

(الإسراء – الآية 85 )

4- چوتھے قصے میں بادشاہت و سلطنت اور جاه و منصب کے فتنے کا ذکر ہے، کتنے لوگ ایسے ہیں کہ جب اللہ نےانہیں بادشاہت یا جاه و منصب سے نوازا اور لوگوں کے اوپر حکمرانی کا موقع ملا تو انہوں نے ظلم و ستم ڈھائے اورزمین میں فساد مچایا.

اللہ تعالى نے اس سورت میں اپنے ایک نیک بندے کا قصہ بیان کیا ہے جس کے پاس مشرق سے لے کر مغرب تک کیحکمرانی اور اسباب و وسائل کی فراوانی تھی مگر اس بندے نے زمين پر فساد کے بجائے اصلاح کا کام کیا اور غرور وتکبر کرنے کے بجائے تواضع و خاکساری کا راستہ اختیار کیا.

یہ نیک بنده ذوالقرنین ہے جس کے بارے میں رسول اکرم صلی اللہ علیہ وسلم نے فرمایا : مجھے نہیں معلوم ذوالقرنیننبی تھے یا نهيں. ( رواه الحاكم (104) والبيهقي (18050 / یہ روایت امام بخاری وغیرہ کے نزدیک صحیح نہیں ہے )

اس بندے نے اصلاح و ترقی کا کام کیا، ظالموں کا قلع قمع کیا، شر پسندوں کے شر سے عوام کو محفوظ کیا، ایک قوم کےلوگوں نے ان سے شکایت کی کہ یاجوج ماجوج زمین پر فساد پھیلا رہے ہیں اس لئے آپ ہمارے اور ان کے درمیان ایک بندتعمیر کر دیجئے تاکہ ہم لوگ یاجوج ماجوج کے فتنے و فساد سے محفوظ رہیں اور اس کام کے لئے آپ کو اجرت بھیدیں گے مگر اس نیک بندے نے مال کی پیشکش کو ٹھکراتے ہوئے کہا : مجھے آپ لوگوں کے مال کی ضرورت نہيں اور نہہى مجھے اس کی لالچ ہے کیونکہ اللہ نے جو کچھ مجھے نوازا ہے وه افضل اور بہتر ہے جیسے نبی سلیمان عليہالسلام نے ملکہ سبا کے بھیجے ہوئے تحفے کے جواب میں کہا تھا. انبیائے کرام اور اسی طرح اللہ کے نیک بندے رشوتنہيں لیتے اور نہ دوسروں کے مال و دولت کی طرف للچائی نظروں سے دیکھتے ہیں اس لئے ذوالقرنین نے پورے یقین کےساتھ بڑے واضح طور پر کہا :

( قَالَ مَا مَكَّنِّي فِيهِ رَبِّي خَيْرٌ فَأَعِينُونِي بِقُوَّةٍ أَجْعَلْ بَيْنَكُمْ وَبَيْنَهُمْ رَدْمًا )

“ اس نے کہا” جو کچھ میرے رب نے مجھے دے رکھا ہے وہ بہت ہے ۔ تم بس محنت سے میری مدد کرو ، میں تمہارے اوران کے درمیان بند بنائے دیتا ہوں ۔(الكهف – الآية 95)

چنانچہ وه لوگ بند کی تعمیر میں پورے طور پر شریک رہے یہاں تک کہ یاجوج ماجوج قید ہو گئے، اسی طرح وه تاقیامت قید رہیں گے یہاں تک کہ اللہ تعالی انهیں نکلنے کی اجازت دے ـ

خلاصہ کلام: اللہ تعالى نے اس سورت میں قصے کی شکل میں چار قسم کے فتنوں کو بیان کیا ہے اور ان سے بچنے کاطریقہ بھی بتایا ہے.*

1- دین میں فتنہ : اس سے حفاظت کا طریقہ اللہ کی رسی کو مضبوطی سے تھامے رہنا اور نیک لوگوں کی صحبت ورفاقت اختیار کرنا.

2- مال کا فتنہ : اس سے حفاظت کا طریقہ یہ ہے کہ انسان اس دنیا کی حقیقت کو جانے پہچانے کہ یہ بہت ہیمعمولی اور حقیر شے ہے، آخرت کے بالمقابل اس کی کوئی وقعت نہيں جیسا کہ ارشاد باری تعالٰی ( قُلۡ مَتَاعُ الدُّنۡیَا قَلِیۡلٌ ۚ وَ الۡاٰخِرَۃُ خَیۡرٌ لِّمَنِ اتَّقٰی ۟ وَ لَا تُظۡلَمُوۡنَ فَتِیۡلًا )

 آپ کہہ دیجئے کہ دنیا کی سود مندی تو بہت ہی کم ہے اور پرہیزگاروں کے لئے تو آخرت ہی بہتر ہے اور تم پر ایک دھاگے کے برابر بھی سِتَم روانہ رکھا جائے گا - ( آل عمران الآية 77)

3- علم کا فتنہ : اس سے حفاظت کا طریقہ اللہ اور اللہ کی مخلوق کے ساتھ تواضع و خاکساری اپنانا.

4- سلطنت اور جاه و منصب کا فتنہ : اس سے حفاظت کا طریقہ یہ ہے کہ انسان اللہ کی خاطر اخلاص کو اپنائے اوریہ یقین رکھے کہ ایک دن یہ سب ختم ہو جائے گا، اگر یہ حکومت و سلطنت کسی کو ہمیشہ کے لئے ملتی تو آج اسے نہملی ہوتی. 

اس لئے اس سورت کی قدر و منزلت کو سمجھنا چاہئے، اس کی آیات میں غور و فکر کرنا چاہیے اور اس میں مذکور واقعات سے عبرت و نصیحت حاصل کرنا چاہئے بالخصوص دو باغ والا واقعہ کیون کہ اللہ کے یہاں  غرور تکبر کرنے کا انجام فوراً ملتا ہے۔ ہر جمعہ کو یہ سورت پڑھی جاتی ہے، بلکہ اسے حفظ کر لینا چاہئے اگر مکمل نہ سہی تو کم از کم شروع کی دس آیات کو ضرور یاد کر لینا چاہیے تاکہ دجال کے فتنے سے محفوظ رہیں کیونکہ دجال کا فتنہ آنے والے فتنوں میں بہت بڑا فتنہ ہے.

اللہ تعالى ہم سب کو قرآن کریم پڑھنے سمجھنے اور اس پر عمل کرنے کی توفیق عطا فرمائے.

 

x